【2026香港匹克球場攻略】整合全港室內場地點、價錢、聯絡方式
March 24, 2026
March 23, 2026
Pickleball（匹克球）起源於美國，時至今日已經有60幾年歷史啦！原先喺為咗俾小朋友消遣，先將羽毛球場地嘅球網降低，再加埋乒乓球拍同塑膠空心球，創造出哩款「神秘嘅小眾運動」！無論你係學生、定係朝九晚六要返工都好，三分鐘帶你學識點打Pickleball話咁易！
一、實戰要點😎
Pickleball要點玩呀？點解要間開網前嘅區域... ...等等嘅問題。規矩唔洗死記硬背，睇好下邊嘅精華， Pickleball難你唔到！
1. 發球：發球時必須由下往上擊球，擊球點不得高於腰部。透過「拋球下手發球」（Volley Serve）將波打去對角線嘅區域。
2. 「雙重反彈」規則：發球後，接球方必須讓波落地一次先可以擊回，玩法類似乒乓球必須掂到檯。喺回擊後，發球分都必須讓波落地一次先可以打返去。當完成「雙重反彈」後，雙方無需強制遵從落地先擊回嘅原則，令玩法更加豐富！
3. 非凌空擊球區（Kitchen）：大家見到網前7英尺嘅區域，就係俗稱嘅廚房區。喺哩個範圍內，雙方均不得直接打空中嘅波（凌空擊球）。就算喺廚房區外凌空擊球，但衣物、身體任何一個部位接觸到廚房區都計落犯規㗎！
二、Pickleball計分方法💯
識得點玩，都要識點樣計分！
計分方法一: 「直接得分」同網球，乒乓球，羽毛球等計分方法一樣, 邊隊接唔到波或者出現失誤, 對手就會得分！
計分方法一: 「發球得分」採用舊制羽毛球嘅計分方式，係只有發球者有機會得分。如果對手接波失敗，發球者可獲分，接球方係要努力取回發球權！
▶️單打：得分為奇數，從左側發球；得分為偶數，則從右側發球。
▶️雙打：一隊開始喺右側發球，得分後兩人需交換左右位置，持續由同一位球員發球，直到該隊因為犯規而失去發球權！
一般比賽係打到11分，同埋必須「領先2分」先係取勝。例如11:9、12:10、13:11等。哩項規則係令Pickleball更注重技巧同策略～
三、上手小「貼士」💡
恭喜你已經完成基礎教學班！以下小「貼士」助你每波都拿分！
1.球拍 grip 緊啲，但唔好太大力捉到實一實，不然好難發揮☹️
2.將注意力擺喺波上邊，預判打嚟嘅方向同落點，提早做好準備✨
3.打得幾開心都好都要記得做好拉筋，否則第二日一定變「Pickle痛」😨
四、集齊兩大要素⚙️
裝備🆙：「工欲善其事，必須利其器」，打Pickleball都係一樣！
（1）球拍（Paddle）
開始打之前，揀好啱自己嘅拍都至關重要：
輕量拍（< 207g）：揮拍速度快，可以減輕手腕同手臂負擔。
新手推薦指數：🌟🌟🌟🌟
中量拍（207~238g）：平衡力量，適合大部分新手與休閒玩家 。
新手推薦指數：🌟🌟🌟🌟🌟
重量拍（>240g）：具有更強衝擊力，球質更重，適合力量型、單打選手。
新手推薦指數：🌟🌟
（2）匹克球種類（Plastic perforated ball）
Pickleball嘅波上會有窿窿，室內場嘅波較室外場少啲窿！無論去室內或室外場，要記得用啱波啦！
（3）鞋
打波前建議著專用Pickleball鞋、網球鞋或者羽毛球鞋，喺打波過程中減少受傷嘅風險。但唔好著跑步鞋啦，萬一跌親就唔好了！同埋喺室內場記得避免著深色鞋底嘅鞋（會場地留下痕跡㗎），著無痕淺色鞋底就最好啦！
場地🆙：有齊準備，又點少得打波嘅場地呢！但揀Pickleball場地都有小小考究，識揀場，打起波嚟都會唔同！
（1）場地規格
標準嘅Pickleball場地長約 13.4 米、闊約 6.1 米。目測嘅話，Pickleball場同羽毛球場其實差唔多闊～
（2）室內場高度
室內打嘅話，需要留意樓底最好要有約 3.5 米高。特別係發高波、打吊球嘅時候如果頂太低，波就好容易「親親天花板」啦！
（3）地面
PU、木地板、膠地墊可以！但愈平滑就愈好～
五、Pickleball搵地、搵人妙計🪄
識打，都要有人同你一齊打！更加要有場地打！香港依家有好多pickleball場地或者群組會organize練波、教學班同比賽，新手都可以直接參加！想 join 社群？呢度有啱晒你嘅熱門選擇👇：
甚至喺近年嘅Pickleball場地越開越多，想快啲搵邊間喺你左近就click入下邊條link啦👇：
有人、有埋地方一齊玩！大家互相教、互相笑，仲識埋新朋友，一舉三得！
Pickleball比起其他運動更易上手，玩一個鐘就已經燃燒約30～70g嘅脂肪。快啲約埋朋友仔，或者join event嚟享受運動嘅樂趣啦！